لأى حد هيدرس بنظام الساعات المعتمدة Credit hours وال مش فاهمين النظام ولا ايه ال GPA وعاوز يفهم ايه النظام دا اقرءوا البوست كويس وهيسهل عليكم ان شاء الله حاولت اشرح على قد ما اقدر ..
– هو انتِ بتدفعي كام في السنه ؟
– لا انا Credit hours بتعامل بسعر الساعة ..
– يعني ايه ؟
– بصوا يا جماعة باختصار ال credit hours او الساعات المعتمدة هو نظام دراسى بيقولك انت ليك حاجه اسمها ساعات فانت ليك عدد ساعات معين ولنقل ” 180 ” ساعة
فانت علشان تتخرج لازم تخلصهم واحنا كهندسه فبيقولك انت قدامك من 4 سنين ونص ل 5 سنين او اكتر تخلص فيهم ال180 ساعة دول او 179 س علي حسب تخصصك
عاوز تنزل ترم اول براحتك ، ترم تاني براحتك ، summer course وتسجل مواد جديدة لاول مره او حتي قديمة ” شايلها ” براحتك .
المهم انك قدامك عدد ساعات معين تخلصهم في الوقت دا ..
– طب انا ازاي هعرف اخلصهم يعني مفهمتش ..
– الكلية بقا بتنزل مواد وبتقولك المادة دي ب عدد ساعات قد كذا يعني مثلا
الكليه منزله رياضة وعدد ساعتها 3 ساعات
او ميكانيكا وعدد ساعتها 4 ساعات
او حقوق انسان 1 ساعه واحدة
او حضاره عربيه اسلاميه 2 ساعتين
وهكذا الكلية اللي بتحدد كل مادة بكام ساعة ..
وانت حر بقا عاوز تاخد مادة في الترم .. مادتين .. 8 مواد براحتك
اللي بيحكمك بس حاجه اسمها ال
gpa
واللي هو في نظام الCredit hours مبيسمحلكش تتخرج الا وانت جايب ” جيد ” ودي حاجه تفيدك في مستقبلك في ال C.V ،
ال gpa لو عالي تقدر تسجل 21 ساعة في الترم
ولو عادي تقدر تسجل 18 ساعة ودا عامًة عدد ساعات مثالى للترم وبيمكنك انك تخلص ساعاتك فى 5 سنين
– طيب برضه معرفتش انتِ بتدفعي قد ايه ؟
– بصي انا الكليه اول ما دخلت بتقولي انا بتعامل معاك بسعر ساعة كذا ولنفترض مثلا 400 ج
فانت لو نزلت اول ترم وقولت انا هسجل 5 ساعات
دا معناه انك تضرب 5 × 400 وتعرف هتدفع كام
من الاخر مصاريفك بتساوي عدد الساعات اللي مسجلها × سعر الساعة اضافه لضرايب بسيطه
ملحوظه بعد اربع ترمات لازم Gpaيكون 1,5 وبعد ست ترمات يكون 1.7 والا يتعرض الطالب للفصل
م/عائشة محمود
تانية اتصالات
Leave a Reply