العلاقات العامه (Public Relation)
بإختصار تعتبر واجهة أي شركة والممثل لها ؛ كونها لسان و سمعة الشركة في كل ما يخص العلاقات والشراكات الخارجية ؛ لذلك تهتم بتكوين علاقات مع كيانات أخري لصالح الشركة ، أو مع الناس إجمالا .
أنا حابب أشتغل(PR) ، ايه المهارات اللي لازم تكون عندي؟؟ بناء علي المفهوم السابق للعلاقات العامه نقدر نستشف أن أهم مهارة عليك اكتسابها هي مهارة التفاوض والأسلوب العالي علي الإقناع ، وده لأنك بكل بساطة مطلوب منك إقناع اللي قدامك برؤيتك وهدف الكيان المنتمي إليه بأفضل صورة و بأسلوب لائق .
عشان تكون مقنع و ذو كاريزما مؤثرة فعليك بتعلم مهارات التواصل والإلقاء ، عشان كده التحكم في ال (Body Language) الخاصة بك بيعطي للي قدامك انطباع قد ايه أنت واثق من نفسك و من كلامك ، وفهم ال ( Body Language) الخاصه بهم بيمنحك خبرة في قراءة الناس ومن خلاله تجد الطرق المناسبة في التعامل معهم وبيزود فرصتك علي الإقناع.
التعامل مع فئات مختلفة من الناس محتاج صبر وقدرة تحمل عشان تقدر تستوعب كل آراءهم والتوصل لحل وسط يرضي أغلب الأطراف .
ولأنك (PR) ناجح ويهمك عرض شغلك بشكل مناسب فأكيد هتحب انك تكتبه كذلك بشكل مناسب و دقيق ، هتحتاج تعزز عندك (Writing Skills) ، وده بيمنحك كمان فرصة توصيل رسالتك بطرق مختلفة.
وأخيرا وليس بآخر ، إذا كان الإهتمام بالمظهر الخاجي لا غني عنه في تكوين انطباع عن الشخص ، فلا شك أن الثقافة والإطلاع بشكل مستمر تعد ايضا من أهم المقومات ل
PR ناجح .
هدير حماده
Leave a Reply